![[info]](http://l-stat.livejournal.com/img/userinfo.gif?v=92.1){kind=small}
HUSTISYA PARA KAY CRIS!
Ang buong Konseho ng Mag-aaral ng Unibersidad ng Pilipinas-Diliman ay nagluluksa sa pagkamatay ng aming kasamahang si Cris Anthony Mendez, Kinatawan ng Pambansang Dalubhasaan ng Pamahalaang Pambayan.
Ang pagkamatay ng isang mahusay na lider tulad ni Cris ay hindi inaasahan. Lalo pa at isa itong manipestasyon ng walang kabuluhang karahasang patuloy na dumadaloy sa sistema ng Unibersidad.
Ang pagbuwis ng buhay ng aming kasama ay magsilbi sanang tuldok sa baluktot na patakaran at halang na karahasan sa loob ng Unibersidad.
Hindi hahayaan ng Konsehong ito na mabalewala ang sakripisyong ginawa ni Cris at manaig ang karahasan sa loob ng Unibersidad. Sisiguraduhin ng Konseho na mananagot ang mga may sala at mabibigyan ng hustisya ang pagkamatay ng aming kasama. Hindi kailanman matatakpan ng karangyaan, kapangyarihan, o kayamanan ang hustisyang dapat makamit ni Cris at ng kanyang mga mahal sa buhay. Isang hamon ito sa bawat Iskolar ng Bayan na maging susi sa pagkamit ng hustisya.
Bilang isang Konsehong nagtataguyod ng mga karapatan ng mga mag-aaral, nanawagan kami sa lahat ng mga isko at iska na supilin ang ganitong klase ng karahasan. Nawa'y magsilbing hamon ito sa bawat Iskolar ng Bayan na balikan ang oryentasyon ng pagtatag ng ating mga organisasyon: ang paglilingkod sa kapwa at bayan, hindi karahasan!
Kasama ng pamilya at kaibigan ni Cris, nananawagan kami ng hustisya at kaparusahan para sa lahat ng may sala.
IKONDENA ang KARAHASAN!
HUSTISYA PARA KAY CRIS!
University Student Council
UP Diliman
31 August 2007
For any information that could obtain justice for Cris Mendez, please contact Ms. Shahana Abdulwahid, USC Chairperson 0927 568 8418. Lawyers are available to ensure your protection.
Anonymous
September 3 2007, 05:36:52 UTC 4 years ago
info
Don't text Shahana Abdulwahid. Sigma Rho member yung tatay niya. The info might be used to cover up the incident.September 3 2007, 05:50:02 UTC 4 years ago
Re: info
Seriously? But I think the USC would know that if it were true, though...Anonymous
September 3 2007, 12:59:16 UTC 4 years ago
Re: info
Yes that info is true. And so is the brother of chancellor cao.Love,
confused and irrational bitch :)
September 4 2007, 07:15:02 UTC 4 years ago
Re: info
who are you, by the way? :)